Nino e Mambrú entran na pista. Estes dous excéntricos limpabotas fan gala de ser os

mellores no seu traballo e de ser respectados no mundo enteiro. O dúo de irmáns desenvolveu un estilo único e incomparable na súa profesión: a famosa arte de deixar os zapatos coma unha patena. E prometen que será un espectáculo de grande elegancia e virtuosismo.

​

Autoproclamados coma servos dos zapatos, terán que demostrar que todo este alarde é certo ante a chegada da súa nova clienta. Esperemos que a presión non poida con eles e demostren do que son capaces.

​

Fortemente inspirados polas grandes personalidades da historia da comedia, Nino & Mambrú preséntanos un espectáculo de media máscara inscrito nas veas do teatro físico, a acrobacia, a esgrima, o mimo e a improvisación co público, que converxen para crear unha obra de público familiar.

​